,,Þú verður bara að taka stöðunni eins og hún er, hvað þú getur gert og hvað ekki,“ sagði Gylfi Þór Sigurðsson um útgöngubannið sem nú gildir á Englandi, þar fá leikmenn ekki að mæta til æfinga.
Þannig hefur ástandið verið um nokkurt skeið og er óvíst hvenær æfingar hefjast á nýju hjá Everton og öðrum liðum deildarinnar. Kórónuveiran herjar nú á landið eins og önnur lönd Evrópu.
,,Það eru mikilvægari hlutir í lífinu en fótbolti, þessa stundina,“ sagði Gylfi. ,,Þetta eru sorglegir tímar og mjög skrítnir.“
Algjör óvissa er með hvenær tekst að hefja tímabilið á Englandi aftur. ,,Þegar þú ferð í sumarfrí, þá veistu hvenær æfingar byrjar en núna vitum við ekkert. VIð munum snúa aftur á einhverjum tímapunkti. Þú þarft að halda þér í góðu formi á meðan.“
Gylfi býr vel og þakkar fyrir það í dag. ,,Ég er heppin að hafa góða rækt heima hjá mér.“
Hver einstaklingur má fara einu sinni út á dag og fer Gylfi í göngutúr með konunni sinni og hundi. ,,Við erum svo með áætlun frá þjálfurum okkar. Ég byrja flesta daga á að hlaupa og hjóla, svo lyfti ég efri og neðri hluta líkamans.“
