Rustu Recber, fyrrum markvörður Barcelona, er staddur á sjúkrahúsi með kórónaveiruna.
Frá þessu er greint í dag en Recber er ansi illa haldinn og er með slæm einkenni veirunnar.
Recber er 46 ára gamall en hann er hetja í Tyrklandi eftir að hafa spilað 120 landsleiki fyrir landið.
Isli Recber, eiginkona Rustu, sagði að hann væri að fá fleiri einkenni mjög hratt sem er áhyggjuefni.
Bæði Isli og börnin þeirra tvö eru ekki með veiruna og hafa verið prófuð.