Bernabeu, heimavöllur Real Madrid verður notaður sem geymsla fyrir vörur og búnað í baráttunni gegn kórónuveirunni.

Þessi sögufrægi völlur verður með aðstöðu fyrir hjálparsamtök og aðra að sækja sér búnað til að verjast veirunni.

Veiran hefur herjað af miklum krafti í Madrid og er algjört útgöngubann í landinu þessa dagana.

Ljóst er að enginn knattspyrnuleikur fer fram á Bernabeu vellinum næstu vikurnar og því ákvað félagið að bjóða fram völl sinn.

Real Madrid hefur einnig lagt til talsverða fjármuni til að kaupa vörur og hafa fengið miklar þakkir frá yfirvöldum í landinu.