Manchester United mun aðeins fá leikmenn næsta sumar sem eru að elta peningana, frekar en að eltast við titla.
Þetta segir Mark Lawrenson, sérfræðingur BBC, en United hefur verið í töluverðri lægð síðustu ár.
Það er ekki víst að United komist í Meistaradeildina fyrir næstu leiktíð og þyrfti félagið því að borga leikmönnum meira en önnur lið.
,,Eins og er þá sé ég United ekki enda í efstu fjórum og þeir þurfa að laða að leikmenn með launum frekar en Meistaradeildarfótbolta,“ sagði Lawrenson.
,,Ef þú gefur einhverjum val á milli United, Manchester City og Liverpool þá er það val um leið á milliu toppliðana, fyrir hvern sem er metnaðarfullur og vill vinna hluti.“
,,Ef þú velur United þá ertu að elta peningana.“
