Gabriel Martinelli, leikmaður Arsenal, stefnir að því að verða goðsögn hjá félaginu einn daginn.
Martinelli er aðeins 18 ára gamall en hann hefur skorað tíu mörk í 26 leikjum á tímabilinu.
Hann setur stefnuna hátt í London og vill verða einn sá besti í sögu félagsins.
,,Ég vil vinna Meistaradeildina og marga titla á Englandi til að gera stuðningsmenn Arsenal ánægða,“ sagði Martinelli.
,,Þeir eiga skilið það besta – ekki bara stuðningsmennirnir heldur allt starfsfólkið. Ég vil gefa þeim til baka fyrir allt sem þeir hafa gert fyrir mig og í kjölfarið verða goðsögn Arsenal.“
