Kári Stefánsson, forstjóri Íslenskrar erfðagreiningar sagði í samtali við Morgunblaðið að „ef allt gangi eins og í lygasögu“ þá munu niðurstöður úr fyrstu sýnatökunni fást í kvöld.

„Það sem mér finnst flott­ast af öllu er það hvernig þetta fólk sem vinn­ur hjá mér í Íslenskri erfðagrein­ingu tekst á við þetta. Það verður unnið alla helg­ina, það verður byrjað að greina þessi 500 sýni á miðnætti hjá okk­ur og síðan verður unnið í alla nótt,“ sagði Kári og bætti við að fólk sé að gera þetta af eigin hvötum. „Það hef­ur eng­inn beðið það um að vinna á nótt­unni eða um helg­ar. Það bara kem­ur og ætl­ar að gera þetta.“

Kári segir þá að kannski geti faraldurinn haft sýnar jákvæðu hliðar og bendir á að hann gæti þjappað okkur saman. Kannski kom­um við út úr þess­ari far­sótt með minni efn­is­hyggju og meiri vænt­umþykju hvert fyr­ir öðru. Þetta hljóm­ar nátt­úr­lega eins og ég sé róm­an­tískt „leftover“ frá sjö­unda ára­tugn­um en ég er það,“ segir hann.

„Það er smá mögu­leiki að þetta þjappi okk­ur sam­an sem sam­fé­lagi. Að minnsta kosti þegar horft er á þetta fólk sem er að tak­ast á við þenn­an far­ald­ur. Það eru all­ir reiðubún­ir til þess að gera allt milli him­ins og jarðar. Það spyr eng­inn: „hversu lengi þarf ég að vinna“ eða „fæ ég borgað fyr­ir þetta“. Það eru bara all­ir að demba sér út í þetta af full­um krafti.“

Markmiðið er að ná að taka 1000 sýni á dag samkvæmt Kára en til þess þarf 50 manns í þjónustumiðstöð. „50 starfs­menn vinna þar en tíu þeirra gátu ekki unnið yfir helg­ina vegna þess að þau eiga lít­il börn þannig að það var hringt í tíu starfs­menn sem vinna í Íslenskri erfðagrein­ingu í Vatns­mýr­inni og hver ein­asti sem var beðinn var reiðubú­inn til þess að koma,“ segir Kári. „Ég á ekki orð yfir það hvað mér finnst þetta flott fólk.“