Í ljósi þess að yfirvöld hafa sett á samkomubann til 12. apríl n.k. hefur stjórn Siðmenntar ákveðið að fresta fermingarathöfnum þeim sem áttu að eiga sér stað í Reykjavík 5. apríl og 26. apríl og á Hvammstanga 4. apríl.
Í tilkynningu frá félaginu segir að fermingarathöfnin eigi að vera gleðilegur viðburður í lífi hvers barns og erfitt sé að skapa slíkt andrúmsloft við þessar aðstæður, auk þess sem að takmarkanir hafa veruleg áhrif á stærð og umfang hverrar athafnar.
Í tilkynningunni segir enn fremur:
„Fermingarbörnum og foreldrum þeirra verða boðnar nýjar dagsetningar í sumar og haust, eða sá kostur að velja heimafermingar í stað hópfermingarathafnar í vor. Stjórn og starfsfólk Siðmenntar munu fylgjast vel með stöðunni og taka ákvarðanir varðandi athafnir á landsbyggðunum eftir því sem staðan skýrist.
Í stað fermingarathafna á höfuðborgarsvæðinu í apríl verður hægt að velja eftirfarandi möguleika:
Nánari upplýsingar um áhrif COVID-19 á fermingarathafnir Siðmenntar er að finna á vef félagsins, en vefurinn verður uppfærður eftir því sem staðan skýrist: http://sidmennt.is/covid-19/
