„Veit einhver hvaða búnaður þetta er úti um allan bæ?“ spurði Aron. „Mér líst satt best að segja ekkert á blikuna lengur. Læðan mín er búinn að vera pissa inni og labbar endalaust á veggi eftir að þetta var sett upp!“
Í athugasemdum við færslu Arons voru íbúar bæjarins að velta því fyrir sér hvað var í gangi og komu upp ýmsar kenningar. Nokkrir héldu að um 5G senda væri að ræða. „Hef heyrt að 5g netið se hættulegt,“ sagði Birgitta nokkur. Aðrir héldu að um væri að ræða hlerunarbúnað. „Sennilega er tíðnin að trufla blessuðu læðuna,“ sagði Ingi nokkur en Andri nokkur gaf í skyn að þetta gæti verið kínverskur hlerunarbúnaður.
Eftir miklar vangaveltur í hópnum þá varpaði Guðmundur nokkur ljósi á málið. „Erum að telja umferð og skrá ferla ökutækja á stærstu gatnamótum hér í bæ. Tilgangurinn er að bæta umferðaröryggi. Þessi búnaður er í raun bara myndavél og batterí og því algjörlega útilokað að vanlíðan kattarins sé eftir þennan búnað. Til að mynda engir geislar eða bylgjur þarna á ferð.“
Aron, eigandi kattarins og sá sem hóf umræðuna, segir þá að hann hafi komist að því hvað það hafi verið sem var að angra köttinn. „Læðan er kominn í lag, kom á daginn að hún fékk ekki lyfin sín um morguninn.“
