Kristín Birna Benonýsdóttir er ung móðir sem á asthma-veikt barn. Kristín er orðin fárveik og óttast mjög að vera komin með kórinuveirunnar. Hún lýsir einkennunum svo í umræðuhópi um COVID-19 á Facebook:

„Er orðin farveik, beinverki, hiti, hausverkur og ógeðslega illt i hálsi og að kyngja og alveg þurrhósti. Hringdi i læknavaktina i gær og hún sagðist ekki geta gert neitt og vildi EKKI taka sýni þrátt fyrir einkenni útaf því eg er ekki búin að vera i útlöndum. Má þetta bara?“

DV ræddi málið stuttlega við Kristínu sem sagði að henni væri að versna. „Mér er búið að versna svakalega síðan í gærkvöld,“ segir hún.

„Ég er með barn sem er með asthma og þess vegna vil ég fá greiningu,“ segir Kristín enn fremur.

Innlegg Kristínar hefur vakið mikla athygli á Facebook en sitt sýnist hverjum. Ein kona skrifar:

„Þú ert búin að gera samfélagslega skyldu þína með því að hringja í 1700 og tilkynna þig. Nú er bara að vera heima og fara vel með sig. Ef þú færð öndunarerfiðleika, þá hefur þú aftur samband og þá munu þeir pottþétt skoða þig og taka sýni. Góðan bata.“

Annar maður ráðleggur henni að haga sér eins og hún sé með veiruna þar til annað hefur staðfest.

Sumir benda á að aðrar flensur séu í gangi með svipuðum einkennum og COVID-19.

Kristín segist í umræðunum ekki vera með neitt sem líkist venjulegu kvefi og hún hafi mikið farið út á meðal fólks undanfarið, þar á meðal fólks sem hefur verið útlöndum

„Mér finnst samt asnalegt hvað folki finnst bara sjálfsagt að ekki se tekið sýni,“ segir Kristín við DV.