Þær systur ákváðu að nota hópsöfnunarsíðuna Karolinafund til að fjármagna útgáfu bókarinnar og hefur það gengið vel. Nú þegar hafa safnast 2.800 evrur en það vantar 1.200 evrur svo þær nái takmarkinu sínu.
„Bókin er frumraun okkar tvíburasystra í bókagerð,“ segir í lýsingu um bókina á Karolinafund. „Sagan fjallar um óvænta vináttu Íslensks fjárhunds og melrakka.
við byrjum að vori til og fáum að fylgjast með vináttu þeirra blómstra yfir heilt ár í íslenskri sveit.“
Þær systur voru í 6 grunnskólum á barnsaldri og kynntust því mörgum á stuttum tíma. „Það kenndi okkur það að vináttuna er að finna á ólíklegustu stöðum. Við systur höfum alltaf verið bestu vinkonur og duglegar að rækta vináttu okkar og því þykir okkur mikilvægt að fólkið okkar geri slíkt hið sama.“
Til þess að bókin verði að veruleika þurfa systurnar að safna fyrir prentuninni og því vonast þær eftir að fólk geti hjálpað þeim á Karolinafund. „Margt smátt gerir eitt stórt og því verða nokkrar leiðir til þess að leggja okkur lið og hjálpa okkur að láta draum okkar rætast.“
Hægt er að skoða Karolinafund síðu systranna hér.
