Íbúar í Wuhan-héraði tóku fljótt upp á því að heilsast með því að slá saman skóm enda í miðpunkti veirufaraldursins. Sú aðferð kallast „Wuhan-handabandið“ og hefur vakið athygli og lukku á veraldarvefnum.
Þessi nálgun hefur löngum þótt sígild. Loftfimman telst þó ekki með ef fjarlægð milli einstaklinganna er meiri en níu metrar.
Nú kemur sér vel að vera Trekkari og kunna rétt táknmál. Þetta er merki sem án nokkurra orða segir: Lifðu vel og lengi. Persónulegra getur það ekki orðið.
Það er hægt að gefa knús án þess að knúsast, takast í hendur án snertingar, en þú þarft að finna látbragðsleikarann í þér og vona að manneskjan á móti sé í sama gír. Það getur brugðið til beggja vona.
Stundum þarf ekkert flækja hlutina. Þarna er best og áhættuminnst að nota munninn frekar en faðmlag eða handaband. En sé spennan óbærileg eða viðkomandi ekki sést í háa herrans tíð, er mælt með hoppi.
