Eiríkur Sigurbjörnsson, sjónvarpspredikari sem hefur iðulega verið kenndur við kristilegu sjónvarpsstöðina Omega, hefur verið ákærður fyrir peningaþvætti og meiriháttar brot gegn skattalögum. RÚV greinir frá þessu.
Eiríki er gefið það að sök að hafa skilað inn efnislega röngum framtölum á árunum 2011-2016. Þá er hann sagður hafa sleppt því að telja fram persónulegar úttektir upp á 67 milljónir á framtölum sínum en þessar miilljónir skuldfærðust af bankareikningi Gospel Channel Evrópa hjá norska bankanum DNB.
Saksóknari segir að hann hafi einnig sleppt því að telja fram 11 milljón króna úttektir af viðskiptareikningi Global Mission Network. Samtals er Eiríkur því ákærður fyrir að sleppa því að framtelja tekjur upp á rúmlega 78,5 milljón krónur.
Sjónarpsstöðin Omega hóf útsendingar þann 28. júlí 1992 eftir 9 mánaða undirbúning. Á Facebook-síðu Omega segir að sjálfur Guð hafi talað við Eirík varðandi það að setja upp kristilega sjónvarpsstöð hér á landi.
