Björgunarsveitum í Árnessýslu barst útkall klukkan 15:30 í dag vegna konu sem hafði slasast á göngu í Bjarnarfelli nálægt Geysi. Þó nokkur gangur er að konunni sem er í brattri hlíð og erfitt aðgengi er að slysstað. Nokkrir hópar björgunarfólks eru lagðir af stað á vettvang og óskað hefur verið eftir þyrlu frá Landhelgisgæslunni.
Konan er slösuð á fæti og var að ferðast með hópi fólks, en að öðru leyti er ekki mikið vitað um líðan hennar.
