Erlendur karlmaður sem gekk berserksgang í N1 og Nettó á Selfossi um miðjan dag í gær var í dag úrskurðaður í Héraðsdómi Suðurlands, í gæsluvarðhald til 2. apríl.
Rétt áður en maðurinn var handtekinn hafði hann verið látinn laus úr haldi eftir að Landsréttur felldi úr gildi gæsluvarðhaldsúrskurð yfir honum. Hafði maðurinn upphaflega verið handtekinn fyrir vopnað rán í skartgripaverslun í Reykjanessbæ. Höfðu fangaverðir aðstoðað hann við að komast í strætó á Selfossi. Skömmu síðar var hann handtekinn öðru sinni.
