Gerard Pique, leikmaður Barcelona, var ekki ánægður eftir leik liðsins við Real Madrid í gær.

Pique og félagar þurftu að sætta sig við 2-0 tap á Santiago Bernabeu en liðið hefur oft spilað betur.

Pique hefur spilað ófáa ‘El Clasico’ leiki en þetta var versta lið Real sem hann hefur spilað við á þeirra heimavelli.

,,Þetta Real Madrid lið í fyrri hálfleik, þetta er versta Real Madrid lið sem ég hef mætt á Bernabeu,“ sagði Pique.

,,Við misstum af tækifærinu til að særa þá. Við þurftum að spila betur í seinni hálfleik, við misstum boltann og þeir komust inn í leikinn.“