Birgir Þór Bieltvedt fjárfestir er sagður skoða möguleikann á að kaupa Domino‘s á Íslandi á nýjan leik. Ef af kaupunum verður er þetta í þriðja sinn sem Birgir á aðkomu að skyndibitakeðjunni hér á landi.

Frá þessu er greint í ViðskiptaMogganum í dag og vísar blaðið í heimildir sínar.

Domino‘s Pizza Group keypti keðjuna af Birgi árin 2016 og 2017 en á sínum tíma átti breska fyrirtækið sérleyfisrétt á rekstri Domino‘s í mörgum löndum; Bretlandi, Írlandi, Sviss og Liechtenstein svo dæmi séu tekin. Þá átti það ráðandi hlut á Íslandi, í Noregi og Sviss.

Fréttablaðið greindi frá því á dögunum að Birgir Þór, ásamt fleiri fjárfestum, hefðu fest kaup á öllu hlutafé Domino’s í Noregi.