Ed Woodward, stjórnarformaður Manchester United segir að félagið sé á fullu að vinna í því hvað skal gera á félagaskiptamarkaðnum í sumar.

Woodward er umdeildur í starfi en hann segir alla meðvitaða um að félagið sé ekki á góðum stað og að því þurfi að breyta.

,,Kaupstefna okkar miðar að því að skoða leikmenn allt þetta tímabil og láta svo til skara skríða í sumar,“ sagði Woodward.

,,Við sjáum þetta sumar sem afar mikilvægt skref fyrir okkur. Kaupin á Bruno Fernandes, og endurkoma lykilmanna mun gefa Ole og liðinu mikið.“

,,Við erumað berjast í Evrópudeildinni og enska bikarnum, eigum líka möguleika á að komast í Meistaradeildina. Það er mikið undir, við sem stjórn og félag vitum að við erum ekki þar sem við viljum vera.“

,,Það er í forgangi að koma félaginu á þann stað að það sé að berjast um sigur í deild og Meistaradeild.“