Tíst Smára McCarthy, þingmanns Pírata, á ensku, hefur vakið nokkra athygli en þar líkir hann þeirri atburðarás sem orðið hefur í stjórnmálunum hér undanfarna daga við mál hins þekkta breska barnaníðings, Jimmy Savile. Líking Smára vekur svo mikla reiði sumra sjálfstæðismanna að þeir kalla Smára „níðing á þingi“.
Jimmy Savile var þekktur og vinsæll sjónvarpsmaður á Bretlandi á árunum 1960 til 1990. Eftir dauða hans kom í ljós að hann hafði fjölda barna og unglinga kynferðislega og nýtt til þess aðstöðu sína sem frægur og vinsæll sjóvnarpsmaður. Savile átti í kunningsskap við marga áhrifamenn sem síðar hafa reynt að sverja af sé tengsl við hann.
Færsla Smára McCarthy á ensku er svohljóðandi:
„Iceland’s Jimmy Savile case: our PM, who was in the Panama Papers, has hid for two months his father’s support for a pedophile’s clemency.
8:02 PM – Sep 14, 2017“
Þetta útleggst á íslensku:
Íslenska Jimmy Savile málið. Forsætisráðherrann, sem var í Panama-skjölunum, hefur í tvo mánuði falið stuðning föður síns við miskunn yfir barnaníðingi.
Páll Bragi Kristjónsson, fyrrverandi bókaútgefandi og athafnamaður, skrifar um þetta á Facebook:
„ÓGEÐSLEGT. Þessi svívirðilega samlíking vekur athygli erlendra fjölmiðla í umfjöllun vegna pólitískrar upplausnar á Íslandi.
NÍÐINGUR á Alþingi.“
Tíst Smára vekur ekki bara athygli Sjálfstæðismanna því Bubbi Morthens skrifar: „Þetta er ömurlegt.“