Josep Maria Bartomeu, forseti Barcelona hefur boðað til neyðarfundar með Eric Abidal, yfirmanni knattspyrnumála hjá félaginu.

Lionel Messi, stjarna Barcelona hefur ákveðið að fara í stríð við Abidal. Þetta gerir Messi eftir viðtal sem Abidal fór í. Abidal sagði að sumir leikmenn hefðu verið hættir að leggja sig fram undir stjórn Ernesto Valverde, sá var rekinn í upphafi árs. ,,Það var vandamál með leikmenn, þeir lögðu sig ekki eins mikið fram og samskiptin voru ekki frábær. Þetta eru hlutir sem fyrrum leikmaður áttar sig á,“ sagði Abidal.

,,Ég sagði félaginu mína skoðun og þeir tóku svo ákvörðun.“

Messi er ekki sáttur með þessa yfirlýsingu Abidal og fór á Instagram til að lesa yfir honum. ,,Ég kann illa við svona hluti, það verða allir að taka ábyrgð á sínu starfi og þeim ákvörðunum sem eru teknar í starfi,“ skrifaði Messi. ,,Leikmenn bera ábyrgð á því sem gerast innan vallar, við vitum þegar við spilum ekki vel. Þeir sem stýra á skrifstofunni, eiga einnig að taka ábyrgð. Taka ábyrgð á sínum ákvörðunum.“

,,Þegar þú talar um leikmenn, þá skaltu nefna nöfn. Annars eru allir undir grun, sögusagnir fara af stað sem eru ekki réttar.“

Bartomeu hefur boðað til fundar í dag en margir spá því að Abidal missi starf sitt enda Messi maðurinn sem öllu ræður hjá Barcelona.