Daníel Ingvar Ingvarsson, f. 2004 er á eldra ári í 3. flokk Hauka var á dögunum á reynslu hjá skoska stórliðinu Glasgow Rangers í viku tíma. Daníel er mjög fjölhæfur leikmaður þar sem hann hefur verið algjör lykilmaður í 3. flokki karla.
Framganga hans hefur vakið mikla athygli innanlands sem og erlendis. Daníel stóð sig gríðarlega vel á æfingum hjá Rangers og fékk frábæra umsögn frá þjálfurum liðsins. Hann æfði bæði með U-16 og U-18 ára liði Rangers. Á þeim æfingum var Daníel Ingvar tekinn í hin ýmsu test með sjúkraþjálfurum og þjálfrum Rangers og skoraði hann hæðst í þeim prófum.
Einnig fékk hann einka skoðunarferð um hinn sögufræga Ibrox leikvang sem er heimavöllur Glasgow Rangers en Rangers er einn sigursælasta lið Skotlands.
Rangers virðist horfa mikið til Íslands þessa dagana en Finnur Tómas Pálmason varnarmaður KR var hjá félaginu á dögunum. Stjóri félagsins er Steven Gerrard, fyrrum goðsögn hjá Liverpool.
