Mohammad Bin Salman, krónprin Sádí Arabíu vill eignast félag í ensku úrvalsdeildinni. Hann hefur lengi haft augastað á Manchester United en Glazer fjölskyldan hefur ekki viljað selja félagið.
Mohammad Bin Salman hefur nú síðustu vikur skoðað það að kaupa Newcastle en Mirror segir að Bin Salman vilji fyrst reyna að kaupa United á nýjan leik, áður en hann gefst upp.
Gerð var könnun á meðal stuðningsmanna United og vilja 91 prósent fá hann til félagsins, þrátt fyrir að Bin Salman og stjórnvöld í Sádí Arabíu séu sökum um alvarleg mannréttindabrot.
Mohamed bin Salman er mjög vel efnaður en talið er að Glazer fjölskyldan myndi skoða að selja United fyrir 4 milljarða punda. Það ætti að vera lítið mál fyrir Mohamed bin Salman en eigur hans eru metnar á 850 milljarða punda.
Bin Salman hefur fundað með Pini Zahavi, umboðsmanni sem hjálpaði Roman Abramovich að kaupa Chelsea. Sagt er að Bin Salman vilji eignast fótboltafélag í fremstu röð og hefur hann helst horft til United. Ástæðan er sú að hann vill keppa við eigendur Manchester City frá Abu Dhabi.
Talið er að Bin Salman sé klár í að greiða 3 milljarða punda en hann gæti mögulega komið United, í fremstu röð.
