,,Ef það er eitthvað sem sannar vandræði Manchester United, er það leit félagsins að framherja á lokadegi félagaskiptagluggans. Félagið mátti vita þetta fyrir hálfu ári þegar Romelu Lukaku og Alexis Sanchez fóru til Inter,“ skrifar Alan Shearer í The Sun í dag og vitnar þar í komu Odion Ighalo á láni frá Kína.

Eftir að Marcus Rashford meiddist er sóknarleikur liðsins gjörsamlega bitlaus.

,,Ef það er einn maður sem sannar vandræði United, er það Anthony Martial. Hann er áhugalaus, ég fæ aldrei þá tilfinningu að hann njóti þess að spila fótbolta. Það stuðar mig.“

,,Þú skoðar hvernig hann er á vellinum og hann virðist ekki nenna að vera framherji. Hann á einn góðan leik en svo koma þrír slakir, ég verð pirraður að horfa á hann.“