Þættirnir Love Island hefur vakið gríðarlega athygli á Íslandi og eru þættirnir á meðal þeirra vinsælustu í Sjónvarpi Símans.
Einhleypir Bretar koma þá saman í húsi þar sem örvar amors eru við hvert fótmál. Ein af stelpunum sem hefur vakið mikla athygli í Love Island er Amber Gill.
Amber Gill var í þáttaröð sem kom út fyrir rúmu ári síðan, eftir þáttinn átti hún í stuttu ástarsambandi. Síðan þá hefur hún leitað að þeim eina rétta og hann virðist nú fundinn.
Amber Gill er nefnilega að hitta Fikayo Tomori, varnarmann Chelsea en ensk blöð fjalla um málið.
Þau hafa sést saman á stefnumótum í London en Tomori hefur leikið stórt hlutverk hjá Chelsea í ár.
Tomori er 22 ára gamall enskur varnarmaður en hann hefur spilað einkar vel í ár.
