Guðmundur Karl Snæbjörnsson, heimilislæknir og einn helsti talsmaður rafretta á Íslandi, hefur verið dæmdur í átta mánaða skilorðsbundið fangelsi fyrir meiri háttar brot gegn skatta og bókhaldslögum.
Samkvæmt dómi þá sleppti hann því að telja fram tekjur sem voru skattskyldar. Samtals greiddi hann ekki 12,3 milljónir króna í tekjuskatt á tímabilinu 2010 til 2014. Auk fyrrnefnds fangelsisdóms þá var honum gert að greiða þrefalda upphæð í sekt eða um 37 milljónir króna. Hann játaði sök.
Sjá einnig: Guðmundur segir að ungmenni sem nota rafrettur hafi flest reykt eða notað munntóbak
Guðmundur hefur ítrekað undanfarin ár talað fyrir því að rafrettur væru skárri kostur en reykingar. Hann sagði til dæmis árið 2017 að það væri brot á læknaeiðinum að neita krökkum um veip sem reykja sígarettur fyrir.
