Darren Fletcher, fyrrum leikmaður Manchester United, hefur tjáð sig um miðjumanninn Christian Eriksen.
Að mati Fletcher þá er augljóst að Eriksen vilji komast burt og að hann sé ekki ánægður í London.
Daninn hefur ekki viljað skrifa undir nýjan samning og hefur verið í slæmu skapi undanfarnar vikur.
Fletcher telur að Eriksen vilji komast burt sem fyrst og gæti það gerst í janúar.
,,Christian Eriksen er ekki lengur ástfanginn af félaginu. Það er augljóst að hann vill ekki vera þarna,“ sagði Fletcher.