Benik Afobe, fyrrum framherji Arsenal og unnusta hans misstu dóttir sína á dögunum, Amora sem var tveggja ára gömul, lést á sjúkrahúsi í Englandi.
Amora fékk alvarlega sýkingu sem læknum tókst ekki að stöðva. Afobe fjölskyldan staðfestir andlát, stúlkunnar. Þar segir að læknar hafi gert allt sem þeir gátu, öll fjölskylda Amora var á svæðinu þegar hún lést. Amora var fyrsta barn þeirra hjóna en framherjinn er í dag á láni hjá Bristol City frá Stoke, áður lék hann með Wolves.
,,Ég, Lois og fjölskyldan viljum þakka fyrir öll skilaboðin og bænir ykkar, eftir að Amora lést fyrir níu dögum,“ skrifar Afobe á Instagram.
Enginn vissi að þau ættu aðra dóttur sem er eins árs gömul, þau ætla að sýna styrk fyrir hana.
,,Stuðningurinn hefur gefið okkur mikið, við gleymum honum aldrei. Þið hafið gefið okkur von, að heimurinn getur staðið saman á svona stundu.“
,,Það vissu það fáir en Amora á eins árs gamla systir, Alba. Við verðum sterk fyrir hana og Amora lifir nú í gegnum hjarta hennar. Hún ætlar að vera sterk og hugrökk eins og stóra systir hennar var.“