Það vakti mikla athygli í síðustu viku þegar Katrín Jakobsdóttir, forsætisráðherra mætti í þingsal með Liverpool trefil. Katrín er hörð stuðningskona félagsins sem situr á toppi ensku úrvalsdeildarinnar.
Trefill, Katrínar hefur vakið mikla athygli og hafa erlendir fjölmiðlar meðal annars fjallað um málið. Rætt var um málið í hlaðvarpsþættinum, Steve dagskrá í gær.
,,Er enginn virðing borin fyrir Alþingi lengur?,“ sagði Andri Geir Gunnarsson, í léttum tón en hann stýrir þættinum sem nýtur nokkurra vinsælda.
Hjálmar Örn Jóhannesson, áhrifavaldur var gestur í þættinum og honum var ekki skemmt að sjá forsætisráðherra Íslands með Liverpool trefil. Hjálmar er harður stuðningsmaður Tottenham.
,,Mér finnst allt svona, ekkert fyndið. Ég er bara Spursari, mér finnst þetta bara ekkert fyndið. Mér fyndist þetta geggjað ef einhver væri með Tottenham trefil, mér fannst ekki fyndið að þetta væri Liverpool trefill.“
Hjálmar rifjaði upp þegar Bogi Ágústsson, fréttamaður á RÚV mætti með nælu í sjónvarpið. ,,Bogi var einu sinni með Tottenham nælu í sjónvarpsfréttum, það fannst mér geggjað. Þetta var of mikið.“
Katrín útskýrði á RÚV í síðustu viku af hverju hún var með þennan trefil í þingsal. ,,Mér þykir mjög vænt um þennan trefil, eiginmaðurinn minn gaf mér hann,“ sagði Katrín í þættinum Vikan með Gísla Marteini.
