Lögreglan á höfuðborgarsvæðinu óskar eftir að ná tali af tveimur mönnum á meðfylgjandi myndum vegna máls sem hún hefur til rannsóknar og eru þeir vinsamlegast beðnir um að hafa samband við lögreglustöðina á Hverfisgötu 113-115 í Reykjavík í síma 444 1000.
Ef einhverjir þekkja til mannanna, eða vita hvar þá er að finna, eru hinir sömu einnig beðnir um að hringja í lögregluna, en upplýsingum má jafnframt koma á framfæri í tölvupósti á netfangið abending@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.
Þótt myndirnar séu óskýrar má ætla að þær geti gefið vísbendingar um hverjir mennirnir eru.
Frétt uppfærð klukkan 15:05:
Að sögn lögreglu eru mennirnir búnir að gefa sig fram. Á grundvelli laga um persónuvernd hafa myndirnar af mönnunum verið fjarlægðar úr upprunalegri útgáfu fréttarinnar.
