„Við höfum farið þarna síðan við vorum 3 ára gamlir og þá var aðgengið miklu minna en nú. Þá var bara ein áætlunarferja. Ef þú ætlaðir að vera í einhvern tíma þá þurfti að panta mat með þeirri ferju og fóru starfsmenn ferjunnar í búð fyrir viðskiptavinina á Ísafirði. En síðan er auðvitað hægt að veiða fisk til matar í vatninu og ánni í Aðalvík.“

Þetta segir Garpur Elísabetarson þegar hann er beðinn um að lýsa myndskeiði sem hann tók upp með flygildi í Aðalvík á Hornströndum. Garpur og bróðir hans Jökull hafa farið reglulega til Aðalvíkur á sumrin en faðir þeirra, Ingi Bæringsson er ættaður úr víkinni. Í Aðalvík ríkir tími náttúrunnar og þar er ekkert rafmagn.

„Breski herinn kom þarna í seinni heimsstyrjöldinni og byggði sér herstöð upp á fjallinu fyrir ofan bæina. Bandaríski herinn kom svo eftir að allt lagðist í eyði og gerði sína eigin herstöð upp á öðru fjalli, en þær rústir eru stærri og meiri en má sjá á fjallinu í myndskeiðinu.“

Garpur bætir við:

Það er líka gaman að hitta fólkið sem bjó og ólst upp í víkinni,“ segir Garpur: „Kíkja í kaffi til þeirra og hlusta á allar sögurnar.“

Garpur segir að lokum:

„Núna er gaman að fara með börnin mín og kenna þeim aðeins það sem pabbi minn kenndi mér um náttúruna og lífið. Börnin læra leika sér upp á nýtt fjarri tölvum, símum og ipödum en ekkert rafmagn er í víkinni.“

[vimeo 226824433 w=640 h=360]