Lögreglan á Suðurnesjum var kölluð að Bláa lóninu í vikunni vegna gests sem fékk aðsvif og lenti á flísalögðu gólfi. Í skeyti frá lögreglu kemur fram að gesturinn hafi dottið fram fyrir sig með þeim afleiðingum að hann fékk skurð á hökuna sem mikið blæddi úr. Viðkomandi var fluttur með sjúkrabíl á Heilbrigðisstofnun Suðurnesja.
Enn fremur varð vinnuslys þegar starfsmaður í veiðarfæragerð missteig sig illa og var talið að hann hefði slitið hásin. Hann var fluttur með sjúkrabifreið á HSS og Vinnueftirlitinu gert viðvart.
