Hans-Joachim Watzke, stjórnarformaður Dortmund reyndi að fá Jurgen Klopp frá Liverpool fyrir rúmu ári síðan.
Klopp átti góðu gengi að fagna hjá Dortmund áður en hann fór til Liverpool, félagið hafði áhuga á að fá hann aftur. Eftir að Liverpool tapaði gegn Real Madrid í úrslitum Meistaradeildarinnar árið 2018, kom Dortmund með boð um endurkomu.
Klopp afþakkaði það og vann Meistaradeildina með Liverpool ári síðar. ,,Ég vissi að Jurgen myndi hafna þessu, að hann myndi klára samning sinn við Liverpool,“ sagði Watzke.
,,Jurgen hefur alltaf staðið við sína samninga, ég varð að gefa Jurgen símtalið til að vera viss“
Klopp er að gera góða hluti á Anfield og er í frábæri stöðu til að vinna loks deildarkeppnina á Englandi.