Ökumaður sem lögreglan á Suðurnesjum tók úr umferð síðastliðið sunnudagskvöld játaði neyslu amfetamíns. Í  húsleit sem gerð var á heimili hans að fenginni heimild fundust meint fíkniefni sem hann játaði að eiga. Félagi hans, sem með honum býr, framvísaði einnig fíkniefnum.

Þetta kemur fram í tilkynningu frá lögreglunni á Suðurnesjum. Þar segir einnig frá því að annar ökumaður sem var tekinn úr umferð vegna gruns um fíkniefnaakstur var jafnframt kærður fyrir hraðakstur og ók sviptur ökuréttindum.

Fáeinir ökumenn til viðbótar voru grunaðir um vímuefnaakstur og skráningarnúmer fjarlægð af nokkrum ótryggðum eða óskoðuðum bílum.