Lögreglan á höfuðborgarsvæðinu handtók mann í annarlegu ástandi í Árbæ um miðnætti í gærkvöldi vegna gruns um tilraun til innbrots.
Að sögn lögreglu flúði maðurinn af vettvangi þegar húsráðandi kom að honum. Hann fannst skömmu síðar og var hann vistaður í fangageymslu sökum ástands.
Fleiri tilkynningar um innbrot í Árbænum komu inn á borð lögreglu í gærkvöldi og í nótt. Á öðrum tímanum var tilkynnt um innbrot í fyrirtæki, en þar var búið að brjóta hurð. Ekki liggur fyrir hvort einhverju var stolið. Þá var tilkynnt um innbrot í fjórar bifreiðar í Árbænum í gærkvöldi og eftir miðnætti. Ekki er vitað hverju var stolið.
