Póst- og fjarskiptastofnun varar við hrinu svikasímtala sem virðist vera í gangi um þessar mundir frá löndum á borð við Mónakó og Hondúras svo einhver séu nefnd.
Póst- og fjarskiptastofnun sagði frá þessu á Facebook-síðu sinni.
„Ef hringt er í þig úr erlendum númerum sem þú kannast ekkert við skaltu ekki svara og ALLS EKKI hringja til baka. Tilgangur símtalanna er að plata fólk til að hringja til baka en þá svarar yfirgjaldsþjónusta sem rukkar mörghundruð krónur á mínútuna sem eru gjaldfærðar beint á símreikninginn.“
Á heimasíðu stofnunarinnar eru birt fleiri dæmi um svikasímtöl en þau má sjá hér.
