Anna Svava Knútsdóttir er harðlega gagnrýnd innan hóps kvenna á Facebook þar sem kynferðisbrot og afleiðingar þeirra eru rædd. Anna Svava er sögð hafa gengið of langt með því að gera grín að máli Jóhannesar Tryggva Sveinbjörnssonar, sem kallar sjálfan sig „stjörnumeðhöndlara“. Þetta er ekki í fyrsta skiptið sem Anna Svava er gagnrýnd fyrir upphitun sína. Reykjavíkurdætur gagnrýndu hana harðlega fyrir að gera grín að hljómsveitinni.
Sjá einnig: Reykjavíkurdætur hakka Önnu Svövu í sig: „Komin í eitthvað grínþrot“
Jóhannes hefur verið sakaður um kynferðisbrot af tugum kvenna og er málið nánast einstakt vegna fjölda meintra þolenda. DV greindi frá því í október í fyrra að hann hafi verið kærður til lögreglu fyrir kynferðisbrot af minnst þremur konum. Þá hafa yfir tuttugu konur leitað til Sigrúnar Jóhannsdóttur lögmanns og saka Jóhannes um kynferðisbrot. Eftir því sem DV kemst næst er málið enn í vinnslu í kerfinu. Hann hefur ávallt neitað sök og segir málið byggt á öfundsýki og hversu farsæll hann hafi verið í starfi.
Anna Svava neitaði að tjá sig um málið þegar DV leitaði eftir viðbrögðum.
Innan fyrrnefnds hóps segir ein þeirra kvenna að Anna Svava hafi gert grín að því að hún væri móðguð yfir því að hún hafi ekki lent í Jóhannesi. „Anna Svava „grínisti“ býr til þvílíkan brandara um Jóhannes „stjörnu meðhöndlarann“ sjálfan, hvað hún sé sár að hann hafi aldrei viljað snerta sig og fleira í þeim dúr! Er verið að fokka í mér!? Ég skil ekki hvernig er hægt að gera grín af svona alvarlegum kynferðisbrotum á fjöldann allan af konum og er ég þar með talin! ,“ skrifar konan.
Sjá einnig: Jóhannes stjörnumeðhöndlari opnar sig: „Að hennar sögn kom (ég) víst við snípinn á henni“
Hún segir að mál sem þessi séu gífurlega viðkvæm. „Veit hún hvað það er að vera nauðgað!? […]Veit hún hvernig það er að ganga í gegnum langt og strangt kæruferli á þetta skrímsli! Nei mér fallast hendur, Anna Svava, fokkaðu þér!,“ segir konan.
