Ritstjóri heilsutímaritsins, Muscle and Fitness, segir að það ætti að fitusmána fólk því það lætur þau „loka munninum og hætta að borða yfir sig.“
Danielle Levy var í spjallþættinum Good Morning Britain í morgun og hélt því fram að það ætti að fitusmána feitt fólk til að fá þau til að grennast.
„Því meira sem við fitusmánum, því fleiri loka kjaftinum og hætta að borða yfir sig,“ sagði hún í þættinum.
„Ég hef fengið ótal margar reynslusögur af fólki þar sem þetta hefur virkað. „Ég var í vatnsrennibraut og ég festist og fólk hló að mér og það var tímapunkturinn sem ég ákvað að gera eitthvað,““ sagði Danielle.
Danielle Levy var fengin í þáttinn ásamt leikaranum Christopher Biggins til að ræða um fitufordóma eftir að James Corden tók Bill Maher í gegn fyrir ummæli sín um fitusmánun.
‘The more we fat-shame, the more people will keep their mouths shut and stop overeating’ – @dannilevyfit
Can fat-shaming help cure obesity?@piersmorgan | @susannareid100 | #GMB pic.twitter.com/v7XmICNG2O
— Good Morning Britain (@GMB) September 16, 2019
Áhorfendur voru gjörsamlega orðlausir yfir ummælum Danielle og tóku til Twitter til að tjá sig um málið. Einn netverji sagði rök hennar vera „ógeðsleg“ og annar sagði að þetta væri „einelti.“
„Ég var fitusmánuð þegar ég var barn og allt mitt líf. Það „virkaði.“ Ég er núna deyjandi úr lystarstoli. Ég kenni konum eins og þessari ógeðslegu Danni konu, haturorðræða drepur,“ skrifaði einn netverji.
„Fitusmánun er bara einelti í öðrum búning. Það er alls ekki svarið við flóknum vanda,“ skrifaði annar. „Andstæðan er ekki að fagna offitu heldur, enginn er að „fagna“ offitu.“
Þú getur horft á allt viðtalið hér að neðan.
