Michele Ballarin, öðru nafni Michele Roosevelt Edwards, stjórnarformaður USAerospace Associates LLC, hefur mikinn áhuga á því að efla vöruflutninga milli Íslands og Washington og horfir þar ekki síst til fiskútflutnings.

Hún segist vilja bæta mat um borð og hefur í sinni þjónustu framúrskarandi matreiðslumeistara. Einnig vill hún bjóða farþegum upp á ókeypis vatnsflöskur.

Ballarin segist hafa tryggt félaginu um 12,5 milljara krónur í rekstrarfé auk þess sem félagið er skuldlaust.

Fyrsta flug endurreists WOW á að vera í október milli Keflavíkur og Washington. Ballarin gat ekki gefið upp hverjir aðrir áfangastaðir yrðu í vetur, þeir verði valdir með hliðsjón af eftirspurn, en stefnt er að flugi bæði til og frá Evrópu og Bandaríkjanna.

Meðfylgjandi eru myndir frá Ballarin á blaðamannafundinum á Hótel Sögu í dag.