,,Við getum sagt að það hafi verið frekar rólegt í Skógá í sumar. Um 50 laxar komnir á land og svo hafa fylgt með nokkrar bleikjur og urriðar. Ég var við veiðar sl. fimmtudag til sunnudags. Við vorum að fá 1-2 laxa á dag á þessum hefðbundnu stöðum. Við grjótgarðinn neðan þjóðveg og staði í kring,“ sagði sagði Þröstur Reynisson sem var að koma af veiðislóðum í Skógá.
Skógá undir Eyjafjöllum er 4ra stanga lax og silungsveiðiá. Veiðin, árin á undan gosinu, var mjög góð og stundum hreint út sagt frábær en árin 2010-2012 var áin í lægð. Síðustu 2-3 hefur áin verið að ná sér á strik og hefur veiðin oft verið mjög góð. Árlega hefur rúmlega 30 þús seiðum verið sleppt í ána.
Mest var veiðin sumarið 2008 þegar 1.537 laxar og um 500 bleikjur komu á land.
