Freyr Vilmundarson, fatlaður drengur sem sagður er hafa verið rekinn frá Fjölbrautarskólanum við Ármúla, hefur fengið skólavist í Tækniskólanum. Vilmundur Hansen, faðir drengsins, tjáði sig um mál hans í síðustu viku og lýsti því yfir að hann hefði verið rekinn úr FÁ. Því neitaði skólastjóri FÁ og sagði að unnið væri að því að finna heppilegt úrræði fyrir Frey. Staðan var þó sú að hann hafði verið sendur heim og mátti ekki mæta í skólann.
Núna er komin lausn í máli piltsins. Vilmundur skýrir frá þessu á Facebook-síðu sinni, pistillinn er eftirfarandi:
FÆR SKÓLAVIST Í SÉRDEILD TÆKNISKÓLANS
Menntamálaráðuneytið er búið að sjá til þess að Freyr fái skólavist í Tækniskólanum. Sem ætti ekki að vera verri skóli fyrir hann. Við vitum ekki enn hvenær hann getur byrjað því það á eftir að ráða starfsfólk til að sinna honum.
Enn er beðið eftir svari skólameistara FA við fyrirspurn réttindafulltrúa fatlaðra um hvernig afgreiðslu á máli Freys var háttað innan FÁ.
Fatlaður drengur sagður hafa verið rekinn úr Fjölbrautarskólanum við Ármúla
