Matthijs de Ligt, leikmaður Juventus, var steinhissa í gær fyrir leik liðsins gegn Parma.

Um var að ræða fyrsta deildarleik Juventus á tímabilinu en liðið hafði betur með einu marki gegn engu.

De Ligt var keyptur á risaupphæð frá Ajax í sumar en hann var á varamannabekknum í fyrsta leik.

,,Auðvitað þá hefði ég viljað fá að spila. Ég gat ekki séð þetta gerast miðað við æfingarnar,“ sagði De Ligt.

,,Ég bjóst ekki við þessu en augljóslega þá virði ég ákvörðun þjálfarans. Ég er ennþá að venjast því að spila hér.“

,,Bonucci og Chiellini voru taldir besta hafsentapar heims. Það er ekki gefið að þú spilir fyrir annan þeirra.“