Líkt og DV greindi frá í gær þá hefur uppistandssýningin Björn Bragi Djöfulsson, sem mun vera í umsjón grínistans Björns Braga Arnarssonar verið harðlega gagnrýnd. Ástæðan er sú að seinasta haust káfaði Björn Bragi á stúlku undir lögaldri og náðist atvikið á myndband.

Fólk var misánægt þegar fregnir bárust af sýningu þessari og spurði margir sig hvort það væri siðferðislega rétt að grínisti kæmi með grínisti kæmi með „comeback“ svona stuttu eftir atvikið Heitar umræður voru um málið á samfélagsmiðlinum Twitter.

Hinn þjóðþekkti tónlistarmaður Bubbi Morthens kom Birni Braga til varnar í færslu sem hann birti á Twitter í gær. Bubba spyr sig hverskonar þjóðfélag fyrirgefi ekki mistök.

Hverskonar þjóðfélag er það sem getur ekki fyrirgefið við öll höfum gert mistök og þið sem teljið ykkur hafa ekki gert mistök bíðið bara þau munu koma @bjornbragi hefur sannarlega viðurkennt sín og beðið fyrirgefningar komon❤️

— Bubbi Morthens (@BubbiMorthens) August 22, 2019

Færslu Bubba er svarað af Heiðdísi Erlu, sem segist vera komin með nóg af fólki eins og Birni Braga, jafnvel þó hann sjái eftir gjörðum sínum.

Æji veistu, man er bara komin með nóg af svona fólki og langar ekki að púkka upp á það lengur og það er jákvætt að við látum ekki bjóða okkur hvað sem er, jafnvel þótt hann “sjái” eftir þessu.

— Heiðdís Erla (@heiddissigurdar) August 22, 2019

Bubbi svarar Heiðdísi, en honum finnst ósanngjarnt að útiloka fólk frá vinnu þó það fari yfir strikið og geri heimskulega hluti.

Ég get ekki verið sammála skil ef þú fílar ekki grínið en að útiloka fólk vegna þess að það er hàlfviti og fer yfir strikið á ekki að þíða það að við útlokum fólk frá vinnu

— Bubbi Morthens (@BubbiMorthens) August 22, 2019

Bubbi fær annað svar frá Heiðdísi sem segir það óþolandi þegar fólk sem brýtur á öðru fólki fái að koma fram þar sem þolendur þurfa að sjá það aftur og aftur.

Hverju ertu þá ekki sammála ?
Mér finnst ólíðandi að folk sem brýtur á öðru fólki fái að koma fram þar sem þolendur þurfa að sjá það trekk í trekk. Ég vil ekki búa í samfélagi þar sem gerendur geta brotið á fólki og þolendur eru þaggaðir niður afþvi gerendur “sjá” eftir brotinu.

— Heiðdís Erla (@heiddissigurdar) August 22, 2019