Maður nokkur, Nerijus Staskus, hefur verið dæmdur í fjögurra mánaða fangelsi fyrir að hnuplaði talsverðu magni af kjúklingabringum bæði í Bónus og Krónunni yfir nokkurt skeið. Samkvæmt dómi, sem var birtur fyrr í dag, hnuplaði hann í það minnsta 51 pökkum af kjúklingabringum.
Atvikinu voru samkvæmt dómi níu en það fyrsta átti sér stað síðastliðinn nóvember. Föstudaginn 2. nóvember 2018 stolið vörum, samtals að andvirði kr. 32.850, úr verslun Rúmfatalagersins. Mánuði síðar stal hann vöru að andvirði 23.446 krónum úr verslun Bónus í Skipholti.
Stuttu síðar stal hann tíu stykkjum af lýsi og fjórum pökkum af kjúklingabringum að andvirði 17.418 krónu úr verslun Bónus við Laugavegi. Í mars á þessu ári stal hann fimm pökkum af kjúklingabringum, fjórum pökkum af nauta ribeye steikum og eplaköku í Krónunni.
Í sama mánuði stal hann svo ellefu pökkum af Ali kjúklingabringum úr Krónunni í Flatahrauni. Síðastliðinn apríl stal hann svo tíu pökkum af Ali kjúklingabringum í Krónunni í Hamraborg. Þriðjudaginn 7. maí 2019 stal Staskus tæplega tíu kílóum af Krónu kjúklingabringum samtals að andvirði um tuttugu þúsund krónum.
Tveimur dögum síðar stal hann ásamt félaga sínum tveimur stykkjum af reyktum laxi, tveimur stykkjum af gröfnum laxi, sjö pökkum af ungnautafille, fjórum pökkum af ungnauta mínútusteik og fimm pökkum af kjúklingabringum úr verslun Krónunnar í Grafarholti. Síðar í maí stal hann samtals sextán pökkum af kjúklingabringum, fimm pökkum af nautakjöti og tveimur pökkum af kindafille.
Líkt og fyrr segir var hann dæmdur í fjögurra mánaða fangelsi en auk þess þarf hann að greiða Krónunni 132.807 krónur í skaðabætur.
