Hraði loftsteinsins var einnig mikill en hraði hans var 87.000 km/klst. Þeir sem voru svo heppnir að vera utandyra, á rétta staðnum og í heiðskíru veðri hefðu getað séð loftsteininn sem lýsandi hlut sem geystist yfir himininn. Hann fékk heitið 2019 OK.
Sydney Morning Herald segir að vísindamenn hafi ekki vitað af loftsteininum fyrr en tæpum sólarhring áður en hann geystist framhjá. Ein aðalástæðan er að hann kom í átt frá sólinni. Miðillinn hefur eftir Michael Brown, prófessor við Monash háskóla, að hér hafi verið um merkan atburð að ræða. Þetta sé í flokki með þeim loftsteinum sem hafi farið allra næst jörðinni, svo vitað sé, og hér sé um nokkuð stóran loftstein að ræða.
Hér fyrir neðan er myndband sem sýnir leið loftsteinsins.
Bandaríska geimferðastofnunin NASA segir að 2019 OK sé á milli 57 og 130 metrar í þvermál. Loftsteinn af þessari stærð myndi valda gríðarlegu tjóni ef hann lenti í árekstri við jörðina. Aflið við sprenginguna myndi jafnast á við 30 Hiroshima-kjarnorkusprengjur. En þrátt fyrir að vera svona mikið eyðingarafl þá er erfitt að koma auga á loftsteina af þessari stærð því þeir eru í raun frekar litlir.
OK 2019 kemur fljótlega aftur en þá getum við verið nokkuð róleg því þá verður hann í um 50 milljarða kílómetra fjarlægð en það verður 2024.
Í myndbandinu hér fyrir neðan sést hversu mikið afl fylgir sprengingu loftsteina þegar þeir koma inn í gufuhvolfið en myndbandið er frá 2013 og sýnir þegar loftsteinn, sem var um 20 metrar í þvermál, sprakk yfir Rússlandi.
