Wilfried Zaha er sterklega orðaður við Arsenal þessa dagana en hann leikur með Crystal Palace.

Það gæti þýtt að vængmaðurinn Alex Iwobi leiti annað en Nígeríumaðurinn staðfesti það sjálfur í gær.

Iwobi myndi fá minna að spila ef Zaha er keyptur og myndi þá fyrst skoða að semja við nýtt félag.

,,Ég er ekki einhver sem er auðveldlega hræddur. Ég hef upplifað þetta allt síðustu ár, þar sem mér er sagt að ég sé ekki nógu góður,“ sagði Iwobi.

,,Þegar tækifærið gefst þá reyni ég alltaf að sanna að ég eigi að byrja leiki. Það verður hins vegar erfitt ef Zaha kemur. Það væri meira stressandi.“

,,Ég er tilbúinn að berjast en ég myndi íhuga að fara ef ég er ekki að spila eins mikið og ég vil.“

,,Ef það verður raunin þá þarf ég að fara annað. Ég er þó alltaf tilbúinn að berjast – ég hef gert það allt mitt líf.“