Pep Guardiola, stjóri Manchester City, segir að Leroy Sane megi fara annað í sumar ef hann er ekki ánægður.
Sane er sterklega orðaður við Bayern Munchen þessa stundina en þýska félagið vill mikið semja við hann í sumar.
Guardiola vill að sjálfsögðu halda vængmanninum en gefur grænt ljós á sölu ef hann er ekki sáttur í Manchester.
,,Félagið gerði honum tilboð á síðasta ári en ég hef margoft sagt það að ég vil bara hafa ánægða leikmenn,“ sagði Guardiola.
,,Við reynum að hjálpa honum að verða sá besti. Við þekkjum gæðin hans og þau eru einstök og erfitt að finna annars staðar.“
,,Ég hef talað við félagið tíu sinnum og ég vil hafa ánægða leikmenn. Ef þeir eru það ekki þá fara þeir.“
