Það fóru fram nokkrir hörkuleikir í Inkasso-deild karla í kvöld en það var jafnteflisþema yfir leikjunum.
Fram vann sterkan sigur á heimavelli er liðið vann Leikni Reykjavík. Helgi Guðjónsson gerði bæði mörk liðsins í 2-1 sigri.
Fjölnir er enn á toppnum eftir leik við Keflavík. Staðan var lengi 1-0 fyrir Fjölni en Davíð Snær Jóhannsson jafnaði metin fyrir gestina á 91. mínútu og lokastaðan, 1-1.
Magni var hársbreidd frá því að næla í sinn annan sigur í sumar gegn Þór. Magni var með 1-0 forystu þar til á 90. mínútu er Jóhann Helgi Hannesson jafnaði metin fyrir Þór.
Víkingur Ólafsvík fékk skell í Njarðvík á sama tíma. Njarðvík gerði sér lítið fyrir og vann 3-0 sigur á Víkingum.
Haukar og Grótta gerðu þá 2-2 jafntefli og Afturelding og Þróttur Reykjavík skildu einnig jöfn, 1-1.
Fram 2-1 Leiknir R.
1-0 Helgi Guðjónsson
2-0 Helgi Guðjónsson
2-1 Sólon Breki Leifsson
Fjölnir 1-1 Keflavík
1-0 Albert Brynjar Ingason
1-1 Davíð Snær Jóhannsson
Magni 1-1 Þór
1-0 Kristinn Þór Rósbergsson (víti)
1-1 Jóhann Helgi Hannesson
Njarðvík 3-0 Víkingur Ó.
1-0 Ivan Prskalo
2-0 Kenneth Hogg
3-0 Kenneth Hogg
Haukar 2-2 Grótta
0-1 Pétur Theodór Árnason
1-1 Gunnlaugur Fannar Guðmundsson
1-2 Halldór Kristján Baldursson
2-2 Oliver Helgi Gíslason
Afturelding 1-1 Þróttur R.
0-1 Rafael Victor (víti)
1-1 Andri Freyr Jónasson
