Kwame Quee, leikmaður Breiðabliks, hefur yfirgefið félagið tímabundið og er genginn í raðir Víkings R.
Kwame hefur gert lánssamning við Víking út tímabilið eftir að hafa samið við Blika fyrir leiktíðina.
Hann kom frá Víkingi Ólafsvík í fyrra en Kwame stóð sig virkilega vel í Ólafsvík á síðustu leiktíð.
Tækifærin hafa hins vegar verið fá í Kópavogi og fær hann nú tækifæri á að láta ljós sitt skína annars staðar.
Kwame hefur aðeins fengið að spila einn leik í Pepsi Max-deildinni í sumar og kom þá við sögu í bikarleik.
