Eden Hazard er orðinn leikmaður Real Madrid en félagaskipti hans frá Chelsea voru staðfest í gær.

Hazard hefur verið besti leikmaður Chelsea undanfarin sjö ár og var elskaður á Stamford Bridge.

Belginn segir að það hafi aldrei komið til greina að semja við neitt annað félag en Real en honum hefur ávallt dreymt um að spila þar.

,,Þetta er nú komið á hreint en það er eitt sem ég vil koma á framfæri sem hefur alltaf verið skýrt fyrir mér,“ sagði Hazard.

,,Ég hef elskað hvert augnablik hjá Chelsea og ég hef aldrei íhugað og hefði aldrei íhugað að semja við neitt annað félag.“