Pep Guardiola, stjóri Manchester City, bjóst við að liðið hefði tapað titilbaráttunni í janúar eftir leik gegn Newcastle.
Eftir það tap gat Liverpool náð sjö stiga forskoti á toppnum en liðið átti leik gegn Leicester degi seinna.
Liverpool gerði hins vegar 1-1 jafntefli í þeim leik og reyndist það jafntefli nóg fyrir City til að vinna deildina að lokum með einu stigi.
,,Eftir leikinn í búningsklefanum þá héldum við að þetta væri búið,“ sagði Guardiola.
,,Við vissum það að Liverpool væri að spila daginn eftir. Að þeir hafi ekki unnið þann leik þýddi að við vorum enn innn í þessu, við vorum enn á lífi.“
