Harry Wilson, leikmaður Derby, er opinn fyrir því að ganga endanlega í raðir félagsins í sumar.
Wilson er í láni hjá Derby þessa stundina og getur hjálpað liðinu að tryggja sér sæti í ensku úrvalsdeildinni á mánudag.
Wilson er þó samningsbundinn Liverpool en gæti yfirgefið félagið til að semja endanlega við Derby í sumarglugganum.
,,Ég hef séð mikið af fréttum og slúðri,“ sagði Wilson í samtali við Derbyshire Live.
,,Ég er á samskiptamiðlum og sá þetta um daginn. Ég einbeiti mér bara að úrslitaleiknum á mánudaginn.“
,,Það væri heimskulegt að einbeita mér að einhverju öðru. Ég veit hversu sérstakt það er sem við getum afrekað.“
,,Allir leikmenn vilja spila í hæsta gæðaflokki og enska úrvalsdeildin er besta deild heims.“
,,Ef ég get gert það með Derby þá væri það frábært, við eigum eigum magnaðan möguleika á að ná því. Ég mun fá mér sæti og ræða hlutina í sumar.“
